Monday 23 November 2009

Dilema Melayu Kita

Assalamualaikum dan salam perpaduan. Kali ini sangkunang taknak berceloteh pasal bolasepak. Lupakan sekejap bolasepak, lupakan sekejap stadium. Sebentar tadi satu Malaysia sudah saksikan siaran langsung Pertandingan Akhir Dikir Barat Kebangsaan RtM yg dimenangi oleh kumpulan Sri Istana dan Sri Arena. Tahniah kepada Sri Arena dari tumpat yang telah memenangi pertandingan akhir yg bertemakan kahwin & cinta ini.
Tp aku bukan nak ulas pasal dikir tadi. Saje bila dengar dikir barat, teringatkan satu lagu yang cukup menusuk kalbu aku suatu ketika dulu. Lagu ni mula didendangkan masa aku masih aktif berdikir di skolah dulu dan kini pencipta dan penyanyi lagu ini sudah pun dijemput Allah 2 tahun lepas. Al-fatihah buat Allahyarham Cikgu Naim.
Hayati lagu ciptaan Arwah ni...

Apa erti kemerdeka'e,
Bagi umat Melayu kito,
Tak boleh terima perubahe,
Anak cucu berputih mato,
Orang lain rebut peluwe,
Sanggupkah tengok sajo,
Masa tetap berjale,
sesaat tak tunggu kito,
Dilemo..Dilemo...Dilemo Melayu kito.

Bangso lain hidup bersatu,
Kita baloh samo sekampung,
Bangso lain koho maju,
Bangso kita masih mundur,
Oghe kecek cayo selalu,
Hangguk palo mace Jepun,
Ikut stail dulu-dulu,
Jadi katok bawah tepurung,
Dilemo...Dilemo...Dilemo Melayu kito.

Rumoh oghe rumoh batu,
Rumoh kito rumoh atap,
Rumoh oghe pagar batu,
Rumoh kito pagar krawat,
Rumoh oghe kapet bledu,
Rumoh kito tikar karat,
Maso bekwoh nyambuk natu,
Patoh gelegar cabuk tukak,
Dilemo...Dilemo...Dilemo Melayu kito,

Keto oghe keto Mercedeh,
keto kito Morris Minor,
Keto oghe asap nipih,
Keto kito asap bbungo,
Keto oghe idup denge suih,
Keto kito mapuh tolok sokmo,
Beli baru takdok pitih,
Beli berah pun hute sokmo,
Dilemo...Dilemo...Dilemo Melayu kito.

Anok oghe naik kapa terbe,
Anok kito naik teksi,
Anok oghe make hote,
Anok kito keda kopi,
Anok oghe jadi toke,
Anok kito jadi kuli,
Habih pitih tengoh bule,
Bare bini gada lagi,
Dilemo...Dilemo...Dilemo Melayu kito.

Anok oghe jadi peniago,
Anok kito jadi petani,
Anok oghe baju cap boyo,
Anok kito baju guni,
Anok oghe bahagio,
Anok kito ko duk pening,
Jadi mangso dadoh ganjo,
Jadi mangso budayo kuning,
Dilemo...Dilemo...Dilemo Melayu kito.

Anok oghe baco buku,
Anok kito duduk deghak,
Anok oghe masuk ke U,
Anok kito masuk lokak,
Anok oghe minum susu,
Anok kito togok ubak,
Macamano kito nok maju,
Kalu tok sey uboh sikap,
Dilemo...Dilemo...Dilemo Melayu kito.

Anok oghe dudok masjid,
Anok kito tepi jale,
Anok oghe duduk ngatik,
Anok kito duduk gewey
Anok oghe peranga baik,
Anak kito supo setey,
Dudok cari balo penyakik,
Tok sey pikir maso depe,
Dilemo...Dilemo...Dilemo Melayu kito.

downlod disini

7 comments:

~nazma said...
This comment has been removed by the author.
~nazma said...

saya pun suka lagu ni, walaupun saya tak suka sangat lagu cikgu naim yang lain.. memang menusuk..

meor-name-depan-ku said...

satu komuiti baru diwujudkan,
untuk mereka yang berdarah biru
untuk mereka yang berdarah lain
sudilah kiranya untuk join..

http://birudarahkami.blogspot.com

Cikgu Zam said...

kemah demo, supo rajo dikir. Wak wokah dikir renyuk so tuh,

Sara said...

kat sekolah sy tetiap sambutan kemerdekaan atau hari guru atau sambutan hari raya geng dikir barat mesti bawak lagu nih..even sekolah kat pahang tapi 95% cikgu asal dari klate..popular gak lagu ni ek..

cheap reseller hosting said...

This topic awesome hasn’t been much discussed on the internet, information about "Dilema Melayu Kita" make my knowledge increases, always a spirit and create a new article and i already bookmarked it. Regards

website development company said...

Spot on with this write-up, I absolutely feel this website needs much more attention. I’ll probably be back again to read more, thanks for the information!